Seiteninhalt

Plattdeutschbeauftragte

Ratzborgs niege Plattdüütschbeupdragte heit Annegret Fenske

 

 

"Min Naam is Anngret Fenske, ik bün 55, verheirat un heff twee grote Kinner und wahn in Ziethen. Ik bün in Ratzborg boorn und von Huus ut mit twee Spraaken upwussen, hochdüütsch und plattdüütsch. Ik bün schon 33 Johr'n bi de Stadt Ratzborg, 20 Johr'n ok as Standesbeamtin. Siet tein Johr'n speel ik Plattdüütsches Theoter in Ziethen bi Ratzborg. Dat Plattdüütsche Theoterspeelen mökt mi veel Spaaß und ik glöv, dat ik ok an mien Upgaaf as Plattdüütschbeupdragte Freid heff.

 

As Plattdüütschbeupdragte von de Stadt Ratzborg will ik mi dorför insetten, dat de Lüüd in Ratzeborg un in't Raathuss faken platt snackt. Ik will de Kinner in de Kinnergoorn und Schoolen dorför begeistern, de plattdüütsche Spraak kennen und schnacken to liehren und de öller'n Minschen upfordern, ehr Anliegen in' Raathuus ok mol up platt vötodrägen or eenfach blots mit mi to snacken!Dor ik ok Standesbeamtin bünn, kann ik so dat wünscht ward, mol ne Hochtiet up Platt maken.

 

Annegret Fenske selbst würde sich freuen, wenn die Bürgerinnen und Bürger der Stadt sie einfach up platt ansprechen würden: "Also, wenn Se Lust hebbt, kiekt Se doch mol in. Ik sitt in' Raathuss in'n 1. Stock, Ruum 2.18. Vörmeddags von Klock 8:30 bis 11:30 bün ik tomeist dör.

 

Villicht is et aver beeder, Se roopt vöraf an ünner Tel. 04541 / 8000-116 or ünner E-mail plattdeutschbeauftragte@ratzeburg.de."