Seiteninhalt

Plattdeutschbeauftragte der Stadt Ratzeburg

Ratzborgs Plattdüütschbeupdragte heit Annegret Fenske

"Min Naam is Annegret Fenske, ik bün 69, verheirat un heff twee grote Kinner und wahn in Ziethen. Ik bün in Ratzborg boorn und von Huus ut mit twee Spraaken upwussen, hochdüütsch und plattdüütsch. Ik wer schon 35 Johr'n bi de Stadt Ratzborg, 20 Johr'n ok as Standesbeamtin. Siet tein Johr'n speel ik Plattdüütsches Theoter in Ziethen bi Ratzborg. Dat Plattdüütsche Theoterspeelen mökt mi veel Spaaß und ik glöv, dat ik ok an mien Upgaaf as Plattdüütschbeupdragte Freid heff.

As Plattdüütschbeupdragte von de Stadt Ratzborg will ik mi dorför insetten, dat de Lüüd in Ratzeborg un in't Raathuss faken platt snackt. Ik will de Kinner in de Kinnergoorn und Schoolen dorför begeistern, de plattdüütsche Spraak kennen und schnacken to liehren und de öller'n Minschen upfordern, ehr Anliegen in' Raathuus ok mol up platt vötodrägen or eenfach blots mit mi to snacken!

De Arbeet as Plattdüütschbeupdragte möckt mi ok na 12 Johrn noch veel Spaß, besünners de Arbeet mit Kinner. De sünd mit Eifer dorbi. Un wenn wi wöllt, dat Plattdüütsch noch Bestand hett, geiht dat nur över de jungen Lüüd. Mi licht dat Plattdüütsche bannig an Harten un ik warr mi ok wieder dorför insetten, dat Plattdüütsch nich utstarven deiht"

Annegret Fenske selbst würde sich freuen, wenn die Bürgerinnen und Bürger der Stadt sie einfach up platt ansprechen würden, ünner E-mail plattdeutschbeauftragte@ratzeburg.de.