"Schölers leest Platt"
Schöler sünd in dat Viertelfinal kamen
Över 200 Scholen wörrn bi den Vörlesewettbewerb „Schölers leest Platt“ 2023/2024 dorbi un de Winner un Winnerinnen vun de 3. bit 10. Klass ermittelt. In Februar würrn nu de Winner för dat Halbfinal in de Stadtbökeree Ratzborg geehrt un all 8 Deerns und Jungs vun de 3. bit 4. Klass un de 8. bit 10. Klass hebbt zeigt, wie goot se för Publikum, ehr Familien un Lehrers mit de plattdüütsche Spraak ümgahen könnt.
De Texte, de vun den Schleswig-Holsteenischen Heimatbund (SHHB)rutgeven wörrn, harrn dorbi en grote thematische Spannwiet. För jeden wörr wat dorbi. Vör dree Lüüd vun de Fachjury, dorto hörrten de Plattdüütschbeupdragten Annegret Fenske un Ingrid Schulze un de Stadtarchivar Christian Lopau, sünd Sofia Emrich vun de Grundschool Böken un Karl Koll ut Bad Segeberg in dat Halbfinal kamen. Dat grote Landesfinal find later in Juni bi de Nedderdüütschen Böhn in Neumünster statt.
Gefördert vun de Sporkassen un mit Ünnerstüttung vun den Bökereevereen Schleswig-Holsteen veranstaltet de SHHB siet 1979 all twee Johr den landeswieden Lesewettbewerb. De Sinn is dat, Kinner, Öllern un Scholen för de Regionalspraak Nedderdüütsch to begeistern un een Stück Kultur un Identität ut Schleswig-Holsteen to vermitteln. 2024 hett de Wettbewerb to´n 22. Mol stattfunnen.
