Plattdüütscher Vörlesewettbewerb 2017/2018
De Sieger ut de Ratzborg Stadtbökeree steiht fast
Plattdüütsch hört to Schleswig-Holsteen wi dat Meer un de Wind. Dat sik dat lohnt, sik up de komodige Spraak intolaten, hett sik an 07. März in de Bökeree in Ratzborg mal wedder zeicht.
All twee Johr find de Vörlesewettbewerb „Schölers leest Platt“ mit veel Erfolg statt, de utricht ward vun Schleswig-Holsteenischen Heimatbund, den Sporkassen, de Sporkassenstiftung un de Bökereezentrale. Tosamen 12 Schöler ut den gesamten Kreis wörrn bi de Landschaftsentscheedung dorbi, üm mit ehr plattdüütschen Texten de Qualifizierung fö de nächst Runn an 04. Mai in Mölln to ergattern.
Vör veelen Lüüd, dorto hörten Familie, Lehrer un Frünnen vun de plattdüütsche Spraak, hebbt söben Grundschöler ut 3. un 4. Klassen ut ünnerscheedlichen Geschichten vörleest. Den ersten Platz hett Janus Jänicke ut Böken mit sienen Text „Ümmer op de Lütten“ kregen.
Frieda Conradski ut de Gülzower Grundschool hett mit „Warven“ den tweeten Platz schafft un dicht achteran Leo Linsenmeyer ut Breitenfelde. Ünner de veer Deelnehmers ut de 5. un 7. Klass hett Owe Schmekel ut de Gemeenschaftsschool Wendörp mit „De pädagoogsche Opgaav“ dat Rennen vör Alina Zingelmann ut Trittau un de Geesthachterin Weda Heymann maakt.
Veel Lob gev dat vun den Vörsitter der veer Lüüd vun de Jury, Thorsten Börnsen vun Zentrum för Nedderdüütsch in Holsteen ut Mölln, de all Mitstrieders Respekt entgegen bröcht hett un versicherte, dat he dat nie sowie schafft hett und dat all Schölers de Geschichten mit Bravour vörleest hebbt.
To´n Afschluss bi de Siegerehrung hebbt all Deelnehmers een Urkund un een Schietbüddel mit Geschenken kregen. De beeden Nahwuss-Plattsnacker hebbt jetzt Gelegenheit bi de grote Landsentscheed an 20. Juni in Norderstedt wieder to kamen, na den Kampagnen-Motto „Platt – ik bün dorbi“
